ekran платформа за слободоумни
Приказна што ја шокираше Канада. Тој бил примерен војник, одликуван полковник, но и масовен убиец.
Мери Елизабет Харисман поминала деветнаесет години во брак со Расел Вилијамс, одликуван полковник на Канадската армија, активист за животна средина, вешт механичар, страствен шахист и, во своето слободно време, садистички сексуален предатор.
Кога нејзиниот сопруг бил уапсен во февруари 2010. година за дивјачко силување на десетици млади жени во нивните домови и убиство на две од нив, таа била, како што повеќе пати нагласила, „во вистински шок“.
„Тој ја измами целата војска, па како нема и мене?“, се бранела таа од обвинувањата дека е многу свесна за неговите злосторства, чиј неизоставен дел претставувало позирање пред камерата во долна облека, покажувајќи надмоќ над неговите жртви. На тој начин, сметаат психолозите, тој дополнително ги понижувал сиротите жени кои имале несреќа да паднат во неговите раце, покажувајќи апсолутна моќ над нив.
Истражителите не се сомневале во неа без причина. Куќата во која живеела со човекот, кого го опишала како „внимателен, пожртвуван и дарежлив човек“ била полна со докази за неговите злосторства. Расел побожно собирал написи во весници за неговите жртви, прецизно ги подредувал според датумот на напад, а неговиот подрум бил преполн со сексуални играчки како лисици и камшици и „трофеи“, накит и гаќички украдени од жртвите.
Како е можно, се прашувале детективите, дека Мери Елизабета не ги забележала овие работи во текот на деветнаесет години брак? Сепак, станува збор за деветнаесет пролетни чистења, деветнаесет барања украси за елка, деветнаесет пакувања пред да заминат на одмор…
Нејзино објаснување? Таа изјавила дека никогаш не и паднало на памет да ѕирне во една од кутиите на нејзиниот сопруг.
„Јас по природа не сум љубопитна и му верував целосно. Зошто би ги допирала неговите работи?!”, се бранела таа.
Да била пољубопитна (или поискрена), можеби ќе спасеше многу силувани жени од животна траума, да не ги спомнуваме тие два изгубени животи…
Фото: Принтскрин/YouTube/cbs news
