ekran платформа за слободоумни
Шведскиот актер Долф Лундгрен, познат по улогите во акционите филмови, им се обрати на своите обожаватели преку Инстаграм, откривајќи дека неговата долга битка со ракот конечно е завршена.
Во емотивната објава, Лундгрен ја сподели веста дека неговата битка со болеста е при крај и дека се подготвува за последниот чекор во неговото лекување, кој вклучува аблација на белите дробови.
„Конечно без рак со благодарност и возбуда за светла иднина. Ви благодарам за сета поддршка секогаш“, напишал актерот.
View this post on Instagram
Лундгрен ја откри својата дијагноза за рак во мај оваа година. Првиот тумор бил пронајден пред осум години во неговиот бубрег и успешно бил отстранет. Сепак, во 2020 година, ракот се проширил на неговите бели дробови, ‘рбетот, црниот дроб и желудникот, а лекарите му дале многу лоша прогноза, велејќи дека има само две до три години живот.
Сепак, и’ покрај ужасните прогнози, Лундгрен продолжил да се бори и сега со гордост објави дека е на крајот од неговиот здравствен предизвик.
Актерот, кој е роден во Стокхолм, моментално е во брак со 28-годишната Ема Крокдал. Познат е по улогите во култните акциони филмови, особено оние во серијата „Роки“, каде светската слава ја стекна во 1985 година со улогата на Иван Драго.
Подоцна постигна значителен успех во други акциони филмови, а на големото платно се врати во 2010 година, кога стана дел од актерската екипа на „The Expendables“, заедно со Силвестер Сталоне, Џејсон Статам, Мики Рурк и Џет Ли.
Фото: Принтскрин/Instagram
