(ВИДЕО) Незаборавни моменти – Адел во солзи на концерт во Лас Вегас: Емотивна средба со Селин Дион

Британската суперѕвезда Адел не можела да ги задржи солзите кога ја видела својата музичка икона, Селин Дион, во нејзината концертна резиденција во Лас Вегас.
Емотивниот момент се случил во театарот Колосеум во Палатата Цезар, место првично изградено за дебитантската резиденција на Дион во 2003 година.
Кога се сретнале, Адел почнала да плаче. По неколку секунди гушкање, Адел споделила неколку зборови со Дион, додека канадската пејачка нежно го држела лицето на Адел во рацете.
Потоа дошол моментот кога Дион и ја бакнала раката на Адел, додека Адел ја поздравувала публиката, благодарна за поддршката.


Гледајќи ја оваа сцена, еден од посетителите, Насер, за BBC News изјавил: „Изгледаше како Селин гордо да и ги предава клучевите на Адел. Кога Адел ја прегрна, сите ја почувствувавме таа емоција“.
Познато е дека Адел ја обожава Селин Дион, а Дион секогаш го истакнувала своето воодушевување од талентот на британската пејачка.
Во јануари 2018 година, Адел имала можност да ја посети Дион зад сцената откако канадската пејачка настапила во Лас Вегас. Оваа нова средба повторно ги разгорела спомените и создала уште еден незаборавен момент.

Фото: Принтскрин/Twitter


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) Елегантното издание на Иванка Трамп на инаугурацијата на Доналд Трамп: Блеснала во смарагдно зелен комплет

Иванка Трамп изгледала убаво и одважно во зелен комплет составен од здолниште и јакна, на …