ekran платформа за слободоумни
Во пресрет на божиќните и новогодишните празници на социјалните мрежи се споделуваат различни вирални видеа од претходните години, а овој пат познатата дама од хорот и нејзиниот настап за време на изведбата на популарната песна „Jingle Bells“ си ја вратија својата стара слава.
Хорот составен претежно од средовечни дами пее, а една од нив диво танцува, мавта со рацете и на публиката и приредува спектакл со изрази на лицето достојни за Џим Кери.
Која е оваа жена, се прашувавме уште во 2018 година, кога ова видео пред празниците достигна повеќе од 5.000 прегледи.
Тогаш го добивме одговорот, а бидејќи видеото повторно стана вирално оваа година и тоа на Тик Ток, не е лошо да потсетиме за тоа.
Дамата од видеото, која американските медиуми ја пронајдоа веднаш по објавувањето на видеото, е универзитетска професорка од Оклахома Сити, која како член на хорот добила посебна задача да биде „што е можно пооткачена“ за време на божиќната претстава.
Во прашање е Мари Далам, професорка по религија и автор на неколку книги.
Мари, како член на хорот на Оклахома Сити, добила задача од менаџерот на оваа група пред божиќниот настап да застане пред изведувачите и да биде „што е можно пооткачена“ во сопствениот настап. Но, во последен момент заборавила каде треба да стои, па останала меѓу останатите членови на хорот и решила тоа што се „втопила во толпата“ да го надополни со малку поинтензивни танцови движења.
„Хорот за мене е место каде што можам да се глупирам и да се опуштам, за да можам да бидам сериозна и професионална остатокот од времето“, вели Мари.
Фото: Принтскрин/Facebook
