ekran платформа за слободоумни
Популарниот јутјубер Нејтан Греам на својот канал „Unspeakable“ се пофалил како купил монтажна куќа на Амазон за 38.999 долари или приближно 36.000 евра.
Иако овој потег изгледал како возбудлива авантура, тој набрзо сфатил дека работите не се како што изгледаат на прв поглед.
Монтажниот дом бил спакуван со прозорци и бања, но проблемите започнале кога Греам се обидел да го поврзе фрижидерот во куќата. Имено, тогаш сфатил дека куќата нема штекери.
На крајот, тој сфатил дека го прескокнал читањето на целиот опис на производот, во кој јасно пишувало: „Потсетување: Мобилниот монтажен дом нема електрична енергија. Ве молиме ангажирајте електричар. Внимавајте!“.
Бидејќи куќата немала струја, Греам морал да импровизира. За среќа, претходно набавил генератор, па можел да го закачи и телевизорот.
Дополнително, куќата немала апарати за домаќинство, мебел, ниту потребни приклучоци за вода или канализација. Тоа значело дека сите тие работи морал да ги купи посебно.
Фото: Принтскрин/YouTube
