ekran платформа за слободоумни
Говорот на германската канцеларка Ангела Меркел објаснувајќи за минута и половина како се шири вирусот корона и колку е опасно нагло ублажување на рестриктивните мерки, го распамети светот.
Пред сите, Американците кои се спротивставуваат на политиките на Доналд Трамп.
Откако нејзиниот говор беше преведен на англиски јазик, војска од луѓе го гледала на социјални медиуми и изразила љубомора.
„Еве како изгледа кога компетентно лице ја води земјата“ – е основата на размислувањето.
Инаку, Меркел има диплома и докторат по квантна хемија, што несомнено ја прави еден од најквалификуваните лидери во една земја за време на оваа пандемија. Германија, иако е сериозно погодена од вирусот, успеа да го започне израмнувањето на кривата и има далеку пониска стапка на смртност од другите земји, пишува Јутарњи.хр.
Во видеото кое брзо започна да се шири на социјалните мрежи, Меркел објасни зошто укинувањето на мерките бара претпазливост и го опиша експоненцијалниот пораст на бројот на пациенти. Таа исто така објасни колку може заразеното лице да зарази други и дека прави голема разлика во тоа како ќе работи здравствениот систем.
„Чудно, зарем не? Јас сум збунет. Таа користи целосни реченици, а јас не сум навикнат на тоа“.
„Кога одеднаш сте горди што сте Германец и не знаете како да се справите со тоа. Во споредба со многу други земји, ова е мојот омилен одговор на кризата. Јас не сум голем обожавател на Меркел, но ми се допаѓа нејзиниот одговор на оваа криза.
„Браво, канцеларко Меркел. Известете не дали и други земји можат да се согласат привремено да ве посвојат како свој водач“, се само некои од коментарите за објаснувањето на Ангела Меркел ..
Екран.мк/Jutarnji.hr
