ekran платформа за слободоумни
Тестовите на крвта покажале екстремно висок шеќер и недостаток на калиум, додека бубрезите почнале да му откажуваат и мускулното ткиво почнало да му пука.
Лекарите неодамна споделија необичен случај на маж кој десет години консумирал до седум литри газирани пијалоци секој ден. Јутјуберот @chubbyemu, познат по анализа на медицински случаи, често споделува приказни за пациенти со кои се сретнале тој или колегите. Еден од највпечатливите примери вклучува маж кој се обидел да го отстрани ракот на кожата со џебен нож и лице кое пиело по три литри рум секој ден од 13-годишна возраст, пишува LADBible.
Секојдневна конзумација
Кај овој пациент, секојдневното консумирање на големи количини газирани пијалоци резултирало со влошување на здравјето кое по десет години преминало во сериозни симптоми. По седум дена борба со вртоглавица, зголемено мокрење и отежнато стоење, конечно повикал брза помош.
Лекарите забележале изразена мускулна слабост и му дијагностицирале дијабетес, висок крвен притисок и висок холестерол. Тестовите на крвта покажале екстремно висок шеќер и недостаток на калиум, додека бубрезите почнале да му откажуваат и му пукнало мускулното ткиво, што сериозно му го загрозило животот.
Жеден и со силни главоболки, дури и во болница побарал од сопругата да му донесе уште газирани пијалаци. Но, откако лекарите забележале колку консумира, го предупредиле и побарале од сопругата да престане да му носи пијалоци. Откако престанал да пие газирани сокови, неговото тело почнало да покажува знаци на закрепнување. Лекарите нагласуваат дека со умерено консумирање е можно да се избегнат ваквите последици, но препорачуваат да се избегнуваат непотребните засладени пијалоци.
Ова не е единствен случај. Еден човек од Бакингемшир, познат како Dr. Pepper Man, исто така, признал дека неговите обиди да престане да пие газирани пијалоци не успеале без стручна помош. Том Боувеј го започнувал денот со лименка газиран пијалок, продолжил да ги пие на пат до работа, потоа неколку наутро и попладне и дополнителни количини дома.
Зачувување на здравјето
Ова му предизвикало главоболки, зголемување на телесната тежина и проблеми со спиењето поради високите количини на шеќер и кофеин во неговото тело.
Неговиот стоматолог забележал сериозно оштетување на забите, кои изгледале како да му припаѓаат на некој многу постар од него. Заклучок на приказната: избегнувањето на големи количини на зашеќерени пијалоци и придржувањето кон умереноста може многу да помогне кон одржување на здравјето.
Фото: Архива
