(ВИДЕО) Холандски новинар „упаднал“ во виртуелна конференција на ЕУ

Министрите за одбрана на ЕУ дискутираале за зајакнување на колективната европска безбедност и општите насоки за зајакнување на одбраната на ЕУ во блиска иднина, кога холандски новинар „упаднал“ на нивната виртуелна средба преку апликацијата „Зум“, пишува белгиски „Соар“. И додека многумина се смееле на овој настан, има и такви кои се прашуваат колку се безбедни доверливите состаноци на претставниците на ЕУ.
Според извештаите во медиумите, новинарот Даниел Верлан успеал да „влезе“ на вчерашниот состанок со помош на фотографија објавена на Твитер од холандскиот министер Анк Бејлевелд, на која се гледа дел од кодот за учесниците.
Новинарот се појавил на екраните на министрите, им мавтал, а на прашање од шефот на европската дипломатија, Жосеп Борељл, кој е тој, тој одговори дека е холандски новинар.

Love the Borrell sign-off. "Bye bye, thank you". After warning the journalist he may be arrested. A modern-day Michael Fagan, in Brussels. #thecrown #theeu https://t.co/R8DXgOs4N4

— Michiel van Hulten (@mvanhulten) November 21, 2020

Видно изненадениот новинар, кој ја следи областа на технологијата, започнал да мавта веднаш штом сфатил дека е „во неизбрано грозје“.
„Добро, дали знаете дека влеговте во доверлива конференција?“, прашал Жозеф Борел, шеф за надворешна политика на ЕУ.
„Да, да, извинете, јас сум холандски новинар. „Жал ми е што ја прекинав вашата конференција“, рече Верлан, додека присутните министри се смееле.
„Еве, веднаш ќе заминам“, рекол тој брзо.
„Дали знаеш дека ова што го правиш е кривично дело, а?“, го прашал Борел советувајќи го „да се одјави пред полицијата да му тропне на врата“.
Поради упадот, состанокот некое време бил прекинат.
Верлан се приклучил на состанокот откако министерот за одбрана Анк Бијелвелд објавил фотографија на Твитер со адреса на апликацијата и дел од ПИН-кодот.
Имено, по неколку обиди, новинарот на РТЛ успеа да го погоди ПИН-кодот, имајќи предвид дека се напишани пет од петте броеви во твитот, пренесоа новинските агенции.
И додека многумина се смеат на овој настан, има и такви кои се прашуваат колку се безбедни доверливите состаноци на претставниците на ЕУ.
После тоа, холандскиот премиер Марк Руте повикал на зајакнување на сајбер безбедноста.
„Министрите мора уште еднаш да размислат колку е важно да се биде внимателен“, рекол Руте.