ekran платформа за слободоумни
Шоуто на полувремето на Супер Боул во 2004 година влезе во историјата како еден од најнезаборавните инциденти од почетокот на телевизијата, а особено е интересно што дури доведе до создавање на YouTube.
Шоуто на полувремето во 2004 година собра неколку од најголемите поп ѕвезди на годината, вклучувајќи ги Бритни Спирс, Кид Рок, Нели, Пи Диди и Џастин Тимберлејк и Џенет Џексон, кои беа во центарот на скандалот.
Имено, ова се случило додека Џастин ја изведувал својата песна „Rock Your Body“, а во моментот кога ја пеел „Bet I’ll have you naked by the end of this song“ (се обложувам дека ќе те имам гола до крајот на оваа песна), пејачот и скинал парче од фустанот на Џенет, а милионите кои го следеле преносот, како и сите на стадионот, ги виделе нејзините голи гради.
Аферата беше наречена „Nipplegate“, а FCC по емитувањето добил рекорден број поплаки за непристојност, а NFL, CBS и MTV (кој бил извршен продуцент на шоуто) веднаш ги промениле своите политики за работа со уметници на емисии во живо.
Голите гради на Џенет Џексон всушност го променија самиот интернет. Откако над 140 милиони луѓе ги видоа нејзините откриени гради, спектаклот стана тема на разговор со недели низ САД и светот.
Многу луѓе го видоа тоа (Супер Боул е најголемиот телевизиски настан во годината во САД), но имало уште милиони кои не го виделе. Во тоа време, немаше начин да се вратиш и повторно да ја гледаш емисијата, освен ако не ја снимиш.
Иако сигурно не беше прв, овој настап на полувреме е веројатно најмоќниот пример за моќта на „стравот од пропуштање“, кој денес стана камен-темелник на маркетингот.
Едно лице кое беше вознемирено што го пропушти настанот (кој ќе биде еден од најголемите во годината) беше Џавед Карим, кој работел за PayPal во тоа време. Карим не го гледал шоуто на полувремето и не можел да најде видео од инцидентот на интернет. За да се „бори“ со ова, тој и неговите пријатели Стив Чен и Чад Харли почнале да работат на код за веб-страница каде што луѓето можеле да ја објавуваат нивната содржина. Таа страница на крајот стана YouTube, која беше лансирана набргу потоа.
Кога YouTube беше лансиран, постигна огромен успех, делумно благодарение на луѓето што бараа клипови од Џенет и Џастин како настапуваат. Само една година подоцна, Google го виде потенцијалот на оваа страница и го купи за над 1,5 милијарди долари.
За жал, додека Карим, Чен и Харли имаа голема корист од инцидентот, Џексон ги носеше најголемиот дел од критиките. Таа го издаде албумот неколку недели подоцна и додека бројките за продажба беа на крајот во ред, следните два што ги објави оттогаш се сметаат за некои од нејзините најмалку успешни плочи. Нејзината кариера никогаш не се опорави од штетата предизвикана од инцидентот во Супер Боул.
Фото: Принтскрин/YouTube
