ekran платформа за слободоумни
Во ВТОРАТА полуфинална вечер од Евровизискиот натпревар за песна 2025, што се одржува во Базел, Грција ја претставуваше Клавдија со песната „Asteromáta“ и избори место во големото финале во сабота. Нејзиниот настап привлече посебно внимание и на YouTube, каде што песната стана најгледана меѓу сите изведувачи таа вечер – за само 12 часа, собра речиси 600.000 прегледи.
И’ покрај ова, таа нема најдобри оценки кај обложувалниците и моментално е на 17-то место во вкупниот пласман.
Која е таа?
Клавдија Пападопулу е 22-годишна грчка пејачка со понтиско потекло, родена во Аспропиргос, предградие на Атина. Таа ја освоила пошироката јавност за прв пат на 15-годишна возраст, кога се појавила во петтата сезона на шоуто „Суперталент Грција“, изведувајќи го хитот на Мајкл Џексон „Били Џин“. Таа продолжила да ја гради својата музичка кариера со учество во „Гласот на Грција“ во 2018 година, каде што се пријавила на аудиција за да ја изведе песната „Roxanne“ од „Полис“ и стигнала до финалето, но не успеала да влезе меѓу првите три.
View this post on Instagram
Во 2025 година, таа го освоила првиот национален избор за Евровизискиот натпревар во Грција по 2017 година, со песната „Asteromáta“, освојувајќи ја наклонетоста и на стручното жири и на публиката во конкуренција од 12 изведувачи.
View this post on Instagram
Клавдија истакнува дека нејзината инспирација за успех биле поранешните победнички на Евровизија Хелена Папаризу и Лорин: „Ги почитувам како уметници затоа што успеаја да победат на Евровизискиот натпревар и да бидат сакани од сите. Тие ме натераа да ги следам моите соништа и да станам претставник на мојата земја на Евровизискиот натпревар“.
Фото: Принтскрин/Instagram
