ekran платформа за слободоумни
Пејачката Тереза Кесовија проговорила за здравствените проблеми…
Пејачката Тереза Кесовија пред еден месец наполни 86 години, а роденденот го прослави во болница. Пејачката во октомври беше хоспитализирана поради долготрајна температура и мачнини, а по излегувањето од болница открила дека со години ги губи видот и слухот.
View this post on Instagram
„Првпат отидов на операција на увото во 2008 година. Во Загреб, па во Париз. Оттогаш користам слушно помагало, без него сум изгубена“, изјавила пејачката за хрватското издание на магазинот „Глорија“ и додала:
„На пример, после концерт гледам како публиката воодушевено аплаудира, но јас воопшто не слушам ништо. Би се концентрирала, со години читам од усни кога некој зборува, но поинаку е кога слушаш глас. Се навикнав на слушни помагала, па не го ни забележувам тоа, тоа е моја вродена упорност“.
View this post on Instagram
Тереза Кесовија додала дека не се обидела да го сокрие фактот дека денес користи слушно помагало, а истакнала дека видот и е слаб што и го отежнува читањето.
„Можам да пишувам и читам пораки со помош на најсовремен уред кој ги максимизира буквите. Но, кога земам книга, морам да ја оставам настрана, бидејќи екранот на овој уред не е многу голем и навистина е непријатно за читање, но тоа е моја страст, исто како и пеењето, уживам во книгите од мали нозе“.
Фото: Принтскрин/Instagram
