ekran платформа за слободоумни
На крајот на минатата година ширум светот се рашири неверојатната вест дека Николас Пуех, 81-годишен Французин и главен акционер на Хермес со проценето богатство од околу 11 милијарди евра, има намера да остави дел од своето огромно богатство на неговиот поранешен градинар.
Имено, овој самец без деца решил да го посвои својот поранешен домашен помошник, 51-годишниот Мароканец, Абдеразак Џадил Бутрак, за да може да му го остави своето огромно богатство, но се чини дека од целата оваа приказна нема да излезе ништо.
Hermès billionaire Nicolas Puech wants to leave his $13 Billion fortune to his former gardener 🤯 pic.twitter.com/ChXYBIe5LQ
— My Mixtapez (@mymixtapez) December 23, 2023
Според странските медиуми, во моментот кога Никола Пуех сакал да продаде и да остави 5,7 отсто од своите акции вредни 11 милијарди евра на Мароканецот, од кои 4,9 отсто се негови, а 0,8 се во сопственост на фондацијата формирана на негово име, 81- годишникот открил дека се исчезнати! Да, добро прочитавте, нема ни трага од акциите, а никој не знае каде се и што се случило со нив во меѓувреме.
Адвокатите на Пуех, Грегоар Мангеат и Фани Маргаираз со сите сили се обидуваат да откријат дали се продадени, вратени на самата компанија или се дел од измама за која наводно е одговорен долгогодишниот финансиски советник на Пуех, Ерик Фрејмонд. Токму тој Пуех преку своите адвокати се’ пријавил во судот во Женева.
Инаку, Фрејмонд од 1998 година се грижи за наследството на Николас Пуех, правнук на Тиери Хермес, а со заедничка одлука потоа почнал да ги префрла акциите на Хермес во швајцарска банка откако милијардерот се преселил во таа земја поради пониските даноци. Двајцата ја прекинале соработката во 2022 година, кога Пуех решил најголемиот дел од своето наследство да му го остави на мароканскиот градинар кој се грижел за него со сопругата и нивните две деца за време на пандемијата на коронавирус.
Неговата одлука била дека наследството на компанија која беше дел од француската историја, бидејќи е основана во далечната 1837 година и до денес е прашање на престиж да се носат работи со потпис на Хермес, ги шокирала сите, но судијата сепак не верувал во приказната дека Фрејмонд, кој 24 години управувал со целиот имот, е виновникот за исчезнувањето на акциите и неговото богатство.
Судот ја образложил својата одлука со тоа што тоа што Фрејмонд имал апсолутна доверба од Пуех, а овој во неколку наврати му потпишувал бланко чекови, а тоа не значи дека ја злоупотребил укажаната доверба. Самите акции, велат, не исчезнале преку ноќ, туку низ годините низ разни финансиски трансакции кои поминале „под радар“ и речиси е невозможно да се следат.
И додека Пуех има уште доволно за пристоен живот, особено што се уште поседува голем број вредни недвижности и движни предмети кои може да ги продаде во секој момент, единствениот губитник е Мароканецот Абдеразак Џадил Бутрак и неговото семејство.
Фото: Принткрин/Twitter
