ekran платформа за слободоумни
Тиктокерката Дани Пејн од Обединетото Кралство се занимава со образование, политика и општествени класи, а во едно видео ги објасни јасните знаци по кои можете да препознаете дали некој доаѓа од богато семејство.
Таа им објаснила на своите следбеници дека истражувала на оваа тема и признала дека темата „апсолутно ја фасцинира“ и открила како може да процени дали личноста што ја среќава во секојдневниот живот доаѓа од средната или од горната класа. Во основа, сè се сведува на прашањето: „Како високите и елитните класи му сигнализираат на општеството“ дека припаѓаат на класата во која пораснале?
Како однесувањето и темите на разговор ја откриваат класата
„Постојат многу различни начини на кои некој може да покаже дека припаѓа на одредена класна позадина, а голем дел од теоријата за тоа доаѓа од францускиот социолог Бурдје, кој го смислил концептот на културен капитал“, објаснува таа во видеото.
@danihpayne Replying to @𝐌𝐚𝐫𝐲 how does the upper class signal that they are upper class? Of course I’m talking about this from a population level and they’ll be variation without groups – e.g. some working class kids will know these things and some upper class kids might not, but statistically at a population level the middle and upper class have access to certain resources, experiences and knowledge that give them an inherent advantage as they move through the education and employment system #class #workingclass #socialmobility #culturalcapital #politics #uk #policy #university #education #socialjustice ♬ original sound – dani | education & politics
„Накратко, тоа е начинот на кој високите и елитните класи задржуваат одредени ресурси, искуства и видови знаење што им сигнализираат на сите други дека припаѓаат на таа привилегирана класа“, додава таа.
Однесувањето открива припадност кон елитата
Потоа таа објаснила како овие знаци се менувале со текот на времето, бидејќи денес сè повеќе луѓе имаат универзитетски дипломи и високо образование, па затоа сè повеќе внимание се посветува на она што се дискутира.
„Високата и средната класа имале потреба од нови начини да покажат дека припаѓаат на тие класи, а една од тие области е однесувањето“, продолжила Пејн.
„Како се однесуваш? Како зборуваш, на пример, и не станува збор само за акцентот, иако акцентот е многу важна работа во Велика Британија, туку и за што зборувате. Дали знаете што е учтив разговор? Дали знаете дека е крајно непристојно да се прашува за пари и богатство? Дали имате богат вокабулар? Дали сте начитани и елоквентни? Сите овие работи сигнализираат припадност на одредена класа. Друг фактор се искуствата, како што е членството во одредени елитни групи“, објаснува таа.
Културен капитал и „невидливи правила“
Пејн објаснила дека активностите како одење во уметнички галерии, скијање и други културни содржини, исто така, укажуваат на класна припадност, како и знаењето која програма за студии е најдобра, како правилно да се аплицира за работа и слично.
„Сите овие работи значат дека можете да имате исти оценки и исто образование како некој од средната или горната класа, но тие сепак имаат вродена предност бидејќи ги знаат сите овие ‘невидливи’ општествени правила.“
Тие знаат како да се однесуваат, знаат како да бидат слушнати. Тие знаат како да се снајдат во образовниот и деловниот систем – а тоа им дава предност во животот“, заклучила таа.
Фото: Принтскрин/Instagram
