(ВИДЕО+ФОТО) Мал стан со најоригинални идеи: Како да вклопите се што ви треба во 38 квадратни метри?

Креативните идеи го прават овој стан од 38 квадратни метри многу функционален.
Мебелот во овој мал стан лесно се преместува и може да се прилагоди на сите потреби на домаќинството.
Реновиран е во стилот на американските домови, каде што денес е вообичаена голема дневна соба. Затоа архитектот решил да го отстрани ѕидот кој делумно ги делел дневната соба и спалната соба.
Ова создало импресивен простор во кој се влегува од прилично тесен ходник. Интересна идеја е преклопната врата која го дели мини ходникот од останатиот дел од станот. На овој начин мирисите и звуците се изолираат од кујната која е веднаш до влезната врата, а во дневната може да се организира работно катче.

Во средината на овој голем простор обично се поставува софа, но лесно може да се премести до крајот на просторијата доколку е потребна поголема удобност. На едниот ѕид има големо биро, а спроти него е плакарот со вграден брачен кревет кој се преклопува. Овој модел е исклучително лесен за ракување, бидејќи има посебно вграден механизам.

На долната страна на горниот дел од работната маса е прикачена оригинална мала полица на која е поставена тастатурата. Масата лесно може да стане трпезариска маса, а во видеото погледнете колку се креативни идеите за трпезариски столчиња и други детали.

Фото: Принтскрин/YouTube