ekran платформа за слободоумни
Познатата дива Селин Дион ја воодушевила публиката на модниот настан Elie Saab, што се одржал синоќа во Саудиска Арабија, облечена во прекрасна креација. Настапот доаѓа откако Дион (56) триумфално се врати на сцената ова лето на отворањето на Олимписките игри во Париз, среде битката со синдромот на вкочанета личност.
Музичката ѕвезда Селин Дион овојпат го затвори настанот „1001 Seasons Of Elie Saab“ во Саудиска Арабија, изведувајќи го нејзиниот хит од 1993 година, The Power Of Love, додека моделите се шетале по пистата околу неа.
Селин за оваа пригода носела спектакуларен пудра розов фустан на кој биле зашиени светкави мониста, а посебен детал била наметката од тул. Селин ја кренала толпата на нозе кога ја испеала песната I’m Alive од 2002 година, по што излехла од сцената со либанскиот дизајнер Сааб, означувајќи го крајот на спектаклот.
View this post on Instagram
„Да се биде овде за прв пат е како остварување на сонот. Г-дин Ели Сааб, неговата придружба и неговото прекрасно семејство нè пречекаа топло – мојот менаџер, мојот син и сите луѓе што ми се потребникако поддршка да бидам овде. Неговата дарежливост, неговиот талент … тој некако ‘пееше’ со мене сите овие години затоа што ја носев неговата облека, неговиот талент. Да го носиш неговиот извонреден талент е една работа, но да го запознаеш, да бидеш со него и да имаш можност да разговараш со него за мене беше малку трогателно, едноставно е убаво да се биде овде“, рекла Селин Дион на црвениот тепих пред модната ревија.
View this post on Instagram
Целиот настан бил вистински спектакл, а за време на модната ревија актерката Хали Бери прошетала по пистата во својот легендарен стајлинг од Оскарите во 2002 година.
View this post on Instagram
Меѓу познатите личности на настанот биле актерката од „Gossip Girl“ Кели Радерфорд, како и британските модели Попи Делевињ и Рози Хантингтон-Вајтли.
Фото: Принтскрин/Instagram
