ekran платформа за слободоумни
Англиската фудбалска ѕвезда Рахим Стерлинг го прифатил христијанството и бил крстен во црква во неговата родна Јамајка за време на репрезентативната пауза.
Рахим Стерлинг зад себе имаше интересно лето во кое напредуваше во кариерата со трансфер затоа што дресот на Челзи го замени со тој на Арсенал и таму по се судејќи ќе се бори за титулата англиски шампион.
Иако е една од најголемите ѕвезди на англискиот фудбал, извесно време го нема во националниот тим, па не играше против Ирска и Финска на стартот од Лигата на нации оваа и минатата недела.
Стерлинг ја искористил паузата за да отпатува во родната Јамајка, каде одлучил да изврши важна религиозна церемонија и да го прифати христијанството, што, како што истакнува, го натерало да сфати дека во текот на животот бркал погрешни работи.
Raheem Sterling gets baptised
The England footballer Raheem Sterling has recently been baptised into the Christian faith.
A video on social media appears to show the 29-year-old committing his life to Christ surrounded by members of his church congregation.
Giving his… pic.twitter.com/kE7RhzqbG3
— President Eniola Daniel (@UnlimitedEniola) September 12, 2024
Напаѓачот на Арсенал бил крстен во црква во Јамајка, а на социјалните мрежи беа објавени видеа. Така, Стерлинг го исполни ветувањето дадено во 2013 година во едно интервју.
„Не сум 100 отсто религиозен, но моето убедување е силно. Кога ќе дојде моментот, ќе бидам христијанин“, изјавил Стерлинг пред 11 години, а тој момент очигледно дошол.
Baptised Raheem Sterling.. It's over for the premier league. pic.twitter.com/KtmpQm6BQr
— Santi™ (@ThePeakSanti) September 12, 2024
Инаку, Рахим Шекил Стерлинг е роден во 1994 година во Јамајка. За жал, неговиот татко бил убиен кога Рахим имал само две години, по што се преселил во Лондон со неговата мајка.
За репрезентацијата на Англија, Стерлинг одигра 82 натпревари и постигна 20 голови. Со Манчестер Сити освои четири титули во англиската лига.
Фото: Принтскрин/X
