ekran платформа за слободоумни
Списанието „Architectural Digest“ објави листа на најубавите крајбрежни градови во светот, а живописното гратче Камоли во Италија го освои првото место.
Камоли, кое се наоѓа на околу 32 километри од Ѓенова во северозападна Италија, го освои првото место на ранг-листата на најубавите крајбрежни градови во светот објавена од „Architectural Digest“.
Градот е рангиран над Кејптаун, Рио де Жанеиро и Хонг Конг како едно од местата што ги покануваат патниците да ја „откријат нивната единствена, легендарна привлечност“.
View this post on Instagram
Камоли, живописен крајбрежен град на италијанската лигурска ривиера, има богата поморска историја која датира од античко време како рибарско село и трговски центар. На крајот на 19 век, неговата флота се фалела со стотици бродови, поради што го добила името „град на илјада бели едра“.
View this post on Instagram
Неговите пастелни куќи, изградени блиску една до друга покрај пристаништето, се украсени со маркапијано, декоративна техника што се користи за обележување на различните катови од зградата и им помага на морнарите да ги препознаваат своите домови од далеку.
View this post on Instagram
Камоли е дом на 5.000-6.000 луѓе и веројатно е кратенка од „Case delle Moglie“, што значи куќи на жени. Откако мажите оделе на риболов, високите куќи отсекогаш биле во сопственост на жени.
Гратчето има просечни температури кои достигнуваат 27 степени Целзиусови во текот на летните месеци. Познат е како еден од најфотографираните градови во Италија поради неговите живописни пејзажи, додека пристаништето е полно со ресторани и продавници.
Секоја година на почетокот на мај, во чест на локалните рибни производи се одржува фестивалот Sagra del pesce.
Фото: Принтскрин/Instagram
