ekran платформа за слободоумни
Папата Лав се сретнал со холивудските актери и филмски работници во Ватикан оваа сабота за да потсети на фундаменталната улога на филмот и театарот за маргинализираните гласови и заедници. Интересно е што меѓу гостите бил и Емир Кустурица.
Филмските ѕвезди Кејт Бланшет, Моника Белучи, Крис Пајн и Виго Мортенсен биле меѓу поканетите на приватна аудиенција во Ватикан, заедно со наградуваните режисери Спајк Ли, Гас Ван Сант и Сали Потер. Исто така, Емир Кустурица бил снимен кога пристигна на приемот.
View this post on Instagram
Собирот, кој режисерот Спајк Ли го прогласил за „голем ден“, беше прв од ваков вид во Ватикан.
Папата Лав зборувал на италијански јазик за да ја пофали моќта на филмот да забавува и едуцира и за неговата „способност да воодушевува“.
Сепак, тој ги повикал филмските работници да не се срамат од она што го нарекол „раните на светот“.
View this post on Instagram
„Насилството, сиромаштијата, прогонството, осаменоста, зависноста и заборавените војни се прашања што треба да се признаат и за кои треба да се зборува. Добриот филм не ја злоупотребува болката; тој ја препознава и истражува. Тоа го правеле сите големи режисери“, рекол тој.
View this post on Instagram
Не е јасно како е составен списокот на глумци, иако ниту еден од режисерите во салата – кои доаѓаа од целиот свет – не се нашол на сопствениот список на најдобри филмови на Папата.
View this post on Instagram
Актерката Кејт Бланшет рекла дека неговиот повик има тежина: „Зборовите на Неговата Светост денес беа вистински повик да не се срамиме од тешките, болни приказни. Тој навистина нè повика да се вратиме на нашите секојдневни работни места и да ги инспирираме луѓето“.
Папата ги пофалил не само режисерите и актерите, туку и широкиот спектар на работници зад сцената чија занаетчиска работа ги прави филмовите можни, нарекувајќи го снимањето филмови „колективен потфат во кој никој не е самодоволен“.
На крајот од говорот, долг список на достоинственици наизменично се сретнале со папата, многумина му нуделе подароци, вклучувајќи го и Спајк Ли, кој му подарил кошаркарски дрес на Њујорк Никс со бројот 14 „Папа Лав“.
Ватикан оваа недела откри дека меѓу неговите четири омилени филмови се „Звукот на музиката“, „Тоа е прекрасен живот“, „Обични луѓе“ и повеќекратно наградуваниот „La vita e bella“.
Фото: Принтскрин/Instagream
