ekran платформа за слободоумни
Погледнете како оваа баба се забавува во карантин…
Бабата Бети Мекдоналд (91) од Џорџија во Америка решила здодевноста за време на карантинот и самоизолацијата поради пандемијата на вирусот корона, да ја сврти во нејзина корист, и да направи забава за памтење.
Бидејќи таа е во групата на ризик за добивање КОВИД-19, на бабата не и е дозволено да излегува надвор, што влијаело на нејзиното расположение, пишува Yahoo.
„Сосетката Бети е навикната да се дружи. Таа отсекогаш била дама. Таа често оди во црква и се дружи во центарот за стари лица. Таа сака да биде уредна и дотерана, а оваа ситуација ја фрла во очај”, вели нејзината сосетка Ким Тејлор, и додава дека и советувала да организира модна ревија во дворот, кога веќе не може да излезе и да се дотерува.
„Идејата веднаш ми се допадна и ги извлеков моите најдобри костуми, фустани и шешири“, вели Бети а нејзината сосетка решила се’ да сподели на YouTube.
Модните ревии биле оддавање почит на нејзиниот сопруг JЏон Хенри Мекдоналд, кој починал во 2007. година, откако 20. години служел во американските воздухопловни сили. Тие биле во брак 58. години.
„Тој секогаш сакал да се дотерува за одење во театар и клубови за танцување а ова е во негова чест“, вели бабата Бети.
