ekran платформа за слободоумни
ТИКТОКЕРКА која објавува под профилот @thisonetimeinturkey објавила видео на кое се жали на храната во луксузниот хотел со пет ѕвездички во Анталија, Турција.
„Храната едноставно не е на ниво. Ова треба да биде одморалиште со пет ѕвезди, но во ресторанот со шведска маса ја служат истата храна секој ден. За појадок нудат супа, сирења и шунки. Има матени јајца измешани со домати, мелено говедско месо, пиперки, навистина случајни работи“, се пожалила таа.
@thisonetimeinturkeyBreakfast @crystalfamilyresortantalya ment to be 5star, please dont waste your money and if you have booked i strongly recommend you change♬ original sound – thisonetimeinturkey
„Даваш 3000 евра и го добиваш ова?
„Навистина не е добро, не сум пребирлива, но сум гурманка. А кога ќе потрошите скоро 3.000 евра за одмор и ова ќе ви го сервираат секој ден, навистина е разочарувачки. Воопшто не сум среќна. Ова едноставно не е добро, навистина не е добро“, рекла таа со жалење што дел од понудената храна не е свежа.
„Едноставно не е она што би го очекувале за појадок, навистина не е толку одлично“, рекла таа, покажувајќи две големи тенџериња со супа, што е традиционален турски појадок.
„Ова за појадок, луѓе, ова? Апсолутно не“, заклучила таа, предизвикувајќи бура од реакции.
„Мислам дека си залутала“
Имено, во коментарите бројни тиктокери и напишале дека храната изгледа одлично, но и ја прозвале дека не ја познава турската кујна и обичаи.
„Зборувате глупости, изгледа одлично, многу избор и различно од она што го имате дома – токму она што би го очекувал кога ќе одам на одмор“, „Супата е вообичаен избор за турски појадок, како пржени јајца со домати, мислам дека грешите“ и „Се жалите дека тоа е истата храна секој ден, но имате милион опции“, се дел од коментарите.
Фoтo: Принтскрин/TikTok
