Вечерва во МКЦ ќе се одржи осмото издание на фестивалот „Востание“

Денес, во Младинскиот Културен Центар во Скопје, со почеток во 18:30 часот, по осми пат ќе се одржи фестивалот „Востание“.

Карти во претпродажба на билетара во МКЦ или онлајн на www.bileti.mkc.mk по цена од 800 денари.
На денот на фестивалот 1000 денари.

На годинешното издание на фестивалот ќе настапат:

LOST IN REVERIE – Млад емо рок бенд од Скопје. Од крајот на 2022 година посветено работат на својот деби албум “Flowers for Your Grave”, кој се очекува да биде објавен до крајот на оваа година. Во јуни 2024 година го објавија својот прв сингл “Can’t See Your Face”, а наскоро пристигнува и нивниот втор сингл. Со уникатна мешавина на пост хардкор, метал и поп-панк елементи, Lost In Reverie ги пренесуваат своите приказни и емоции на сцена.

SHADOWORK – Шведско-македонски спој. Shadowork ги обединува Шведо од легендарните Siniac и Јордан (Hardfaced, Primitive Dread). Со сурова енергија, мрачни текстови и немилосрдни death metal рифови, Shadowork носат звук што не познава компромис. Бендот неодамна го издаде своето деби “Born From Cinder” и доаѓа да го промовира на Востание 8!

MALIGNANT – Еден од најактивните грчки хардкор бендови последниве години. Веќе со деби албумот “With Daggers Between Our Teeth” (2021) имаа прилика да свират по Балканот и Западна Европа. Следува одличното EP “The Defragmentation Begins…” (2023), каде што додаваат уште потемна мешавина од 90-ти метализиран хардкор и дет метал.

PRIMITIVE DREAD – Ново EP “Merciless Indifference,” деби плоча и европска турнеја со Madball, Nasty и Born From Pain! Финалето на оваа неверојатна година е резервирано за Скопје!

RECKONING – Од Белград се инспирирани од метализираниот хардкор звук на 90-тите, оваа ол-стар постава е составена од членови на Hitman, Tibia, Unison, 36 Daggers и Deadrise. Нивниот прв EP „This Is War“ доби одлични критики и ги активираше на концертната сцена.

MALEVOLENCE – Од Шефилд, Англија, еден од најактуелните бендови на моменталната хардкор/метал сцена, незапирливата сила MALEVOLENCE доаѓа во Скопје. Бенд што буквално растура во живо. Нивниот последен албум “Malicious Intent” ги однесе на турнеи со Mastodon, Lamb of God и Trivium, како и на некои од најголемите метал фестивали во светот.

Се гледаме!