Утревечер на Охридско Лето ќе биде изведена театарската претстава „Безгрешна“ на Театарот Марибор од Словенија

Во рамките на 64-то издание на манифестацијата „Охридско Лето“, утревечер во предворје на црквата Св. Софија ов Охрид, со почеток во 21:00 часот, ќе биде изведена театарската претстава „Безгрешна“ на Театарот Марибор од Словенија.

Immaculata бара смисла во раните кои никогаш не можат да зараснат. Марија, мајката на Исус, се обидува да се сети на некои од зборовите, лицата и деловите од приказната во врска со смртта на нејзиниот син. Сеќавајќи се на овие длабоко вознемирувачки настани, Марија смело ги предизвикува сите големи и свети идеи. Всушност, овие прашања се начинот на кој таа ги задржала. Затоа што идеите умираат, ако не се оспорат. Immaculata е жена која е повеќекратно злоупотребувана и погрешно скована во слика, догма, инструмент на верата. Тоа е исповед на жена, избришана од историјата и претворена во слика која служи за воспоставување на насилна религија.


-Ако олтарот е каде и да клекнеме, тогаш мојот олтар е сцената. Местото каде што го поминав, со Томаж, целиот мој живот во театарот, тесно испреплетен со неговата интимна визија за светот, со неговите светли и мрачни соништа, кои тој, во својот творечки порив, ги живееше страсно, притоа искажувајќи ја својата Поезија и вистина.

Immaculata е претставата што почнавме да ја адаптираме од романот на Колм Тоибин пза Словенечкиот национален театар од Марибор, сплетувајќи четиринаесет мисловни пејзажи, олтар на љубовта, на загубата, на осаменоста, на потрагата по смисла во раните кои никогаш не исцелија. Со неговото заминување, мојата рана е толку длабока што може да ја носи само сцената. Нему му ја посветувам Имакулата, кој веруваше дека сè што влегува на сцената се трансформира со него, вели драматургот Ливија Пандур во освртот кон претставата.


Ливија Пандур откако студирала драматургија на Академијата за театар, радио, филм и телевизија во Љубљана, работела како драматург во различни театри во Љубљана. Од 1991 до 1996 година е драматург на Драмата на Словенечкиот народен театар – Марибор. Меѓу другите, таа била драматург за сите продукции на Томаж Пандур (1963-2016) „Шехерезада“ во Младинскиот театар во Љубљана; „Фауст“, „Хамлет“, „Кармен“, „Божествена комедија“, „Руска мисија“, „Вавилон“ во Словенечкиот народен театар во Марибор; „Хазарски речник“, „Сто минути“, „Тесла Електрик“, „Калигула“, „Војна и мир“, „Микеланџело“ во ХНК во Загреб, „Фауст“, „Кралот Лир“ во Атина. Автор е на повеќе театарски публикации, и ја објавува и ја уредува театарската монографија „Театарот на соништата“ во 2002 година. Во 2016 година, Ливија Пандур ја заврши Immaculata/Brezmadežna, Hommage á Tomaž Pandur во Драмскиот театар во Марибор по ненадејната и прерана смрт на легендарниот словенечки режисер Томаж Пандур.

Улоги:


Марија – НАТАША МАТЈАШЕЦ РОШКЕР

 

Драматизација и адаптација Ливија Пандур и Томаж Пандур

Сценографија: Марко Јапељ

Костимографија: Лео Кулаш

Цена на билет: 300 денари.

 

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Македонскиот народен театар после 22 години ќе учествува на 70. „Стериино позорје“ во Нови Сад

Македонскиот народен театар со особена чест ја прими веста за селекцијата за учество на 70. …