Туба рецитал на Мицко Дамњановски вечерва во КИЦ

Вечерва во Културно информативниот центар во Скопје, со почеток во 19:00 часот, ќе имате можност да го проследите рециталот на Мицко Дамњановски на туба.

Овој туба рецитал, претставува еден многу значаен момент во моето музичко постоење, а Вашето присуство ќе придонесе оваа вечер да биде уште повеќе посебна и исполнета со убава енергија.

Сцената ќе ја делам со извонредни музичари и драги луѓе. Пред се со мојата почитувана колешка, пријателка и професорка Маријана Николовска – мој пијано соработник, како и моите ценети колеги од Македонскиот Брас Квинтет. За крај, ве очекува и едно мало изненадување, со кое се надевам дека ќе ја заокружиме вечерта на незаборавен начин, се вели во објавата од Мицко Дамњановски.

Влезот е слободен.