ekran платформа за слободоумни
БОГАТИ со влакна, протеини, железо и магнезиум, гравот и леќата се меѓу најхранливите и најразновидните намирници. Гравот лесно се вклопува во различни јадења, од супи и салати до сосови и прилози, а во продолжение откријте зошто треба почесто да ги јадеме.
Редовното консумирање грав и леќа е корисно за намалување на холестеролот, помага во заштитата од рак на дебелото црево, го стабилизира нивото на гликоза и помага во спречување на дијабетес, помага во одржување на здрава тежина и обезбедува поголем внес на влакна, железо и калциум.
Кои мешунки да ги вклучиме во исхраната?
Секој вид мешунка има уникатни нутритивни вредности и вкус, што го прави одличен додаток во вашата секојдневна исхрана. Без разлика дали бараме извор на протеини, влакна или витамини, секој вид носи свои придобивки. Еве некои од најдобрите избори и совети како да ги вклучите во вашите оброци:
Леќа
Половина чаша варена леќа содржи 8 г влакна, 9 г протеини и е богата со витамини Б, железо и магнезиум. Додадете ја во салати, супи, кари, хамбургери или како замена за месо во сос од Болоњезе.
Црн грав
Половина чаша конзервиран црн грав има 6 г влакна и протеини, како и железо, фолна киселина и тиамин. Можете да го користите во салати, тортиљи, печива или хамбургери.
Наут
Половина чаша наут содржи 6 г влакна и 7,5 г протеини и е богат со железо, магнезиум, фосфор, фолна киселина и манган. Наутот од конзерва може да се користи на различни начини – додадете го во салата, изгмечете го во сендвич или испечете го и прелијте ги со чоколадо за слатко задоволство.
Фото: Архива
