ekran платформа за слободоумни
Главниот фактор зад беспрекорниот изглед на Јапонките е дефинитивно нивната исхрана.
Главниот фактор за добриот изглед на Јапонките е исхраната, како што пишува Vita Clay.
Богато мени
Заблуда е дека Јапонците јадат само суши. Напротив – нивното мени е многу побогато и освен риба содржи морски плодови и билки, зеленчук, соја, ориз, овошје, зелен чај…
Висококалорични јадења, како и брза храна, ретко може да се видат во нивната чинија. При изборот на храна им е важно да биде сезонска и свежа, во зима јадат месо, риба, супи и топли напитоци, додека во лето јадат морска храна, ладни супи, салати и рамен.
Зеленчукот секогаш се сече на листови
Готвење, печење, варење на пареа, динстање на многу малку масло – вака се подготвува храната во Јапонија. Зеленчукот секогаш се сече на листови за да биде што помалку термички обработен и да задржи што повеќе хранливи материи.
Природната убавина, боја и вкус им се на прво место, затоа се многу внимателни со зачините и внимаваат да не претераат и да го оптоварат стомакот.
Јадат полека
Внесувањето храна за Јапонките е цел ритуал. Јадат полека, во мали залаци и мали порции. Храната ретко се украсува затоа што се инсистира на природен изглед, а две различни јадења речиси никогаш не се ставаат во иста чинија бидејќи се смета за недостаток на вкус.
Секогаш ориз
Оризот е составен дел на речиси секое јадење во Јапонија, а најчесто се подготвува само со додавање сол и путер.
Разновиден појадок
Во Јапонија практиката на појадок е таква што мора да се состои од разновидна храна и неколку мали порции. Треба да има неколку јадења, обично риба, ориз, омлет, мисо супа, соја и малку зеленчук. Се разбира, со чај.
Без слатки и колачи
Јапонците ретко јадат десерти, а кога го прават тоа е во мали количини. Немаат бомбастични торти и колачи, а прават дури и сладолед од ориз (моки). Станува збор за слатки со малку шеќер и веројатно не би ни ги сакале – освен што нивното консумирање резултира со совршено рамен стомак.
Фото: Архива
