ekran платформа за слободоумни
Кампањата Читаме Современи Македонски Автори на Градската библиотека „Браќа Миладиновци“-Скопје, за 2024 година се заокружува со поезијата и со автентичните стихови на Ана Голејшка Џикова од нејзината книга „Слобода А“, во издание на ПНВ Публикации.
Како калеидоскопски слики пред нас минуваат песните во кои можеме да ја видиме Ана како бунтовничка, млада љубовничка, да посведочиме како љубовта создава живот, како тој живот расте, се раѓа и станува живот сам за себе, независен, а сепак, зависен и сврзан. Истовремено исполнета со љубов и страв од неизвесност, погодена од реални проблеми и притисоци под кои сите сме натиснати: живот во пандемија, под влијание на пропаганди и општа хистерија, притисоци што повторно ја будат бунтовничката во Ана, онаа што единствено може да живее од и за слободата“ пишува во поговорот Снежана Стојчевска.
Во рамки на кампањата Читаме Современи Македонски Автори ќе биде и Разговорот со авторката, закажан на 4 декември 2024 година.
