Среќен роденден Тони Михајловски!!!

Тони Михајловски е роден на 30 јуни 1967 година во Куманово. Дипломира на Универзитетот „Св. Кирил и Методиј“ на Факултетот за драмски уметности, Скопје, на отсекот за актерска игра во класата на проф. Владимир Милчин, во 1993 година. Од 1994 до 1999 година работи во Македонскиот народен театар, а потоа преминува во статусот слободен уметник. Во 2013 година повторно се враќа во Македонски народен театар – Скопје.

Театрографија:

• Волкот (Дух, 2018), автор: Дејан Дуковски, режисер: Срѓан Јаниќијевиќ, продукција: Македонски народен театар;
• Цера (Ничија земја, 2017), автори: Данис Тановиќ, Александар Морфов, режисер: Александар Морфов, продукција: Македонски народен театар;
• Ефрем Поплавски (Вечната куќа, 2013), автор: Јордан Плевнеш, режисер: Дејан Пројковски, продукција: Македонски народен театар;
• Анри (Подемот и падот на кабарето, 2013), автор: Артур Шницлер, режисер: Владимир Милчин, продукција: Македонски народен театар;
• Ото (Изубени Германци, 2013), автор: Дејан Дуковски, режисер: Слободан Унковски, продукција: Македонски народен театар;
• Велко (Вејка на ветрот, 2008), автор: Коле Чашуле, режисер: Нела Витошевиќ, продукција: Македонски народен театар;
• Геро (Празен град, 2008), автор: Дејан Дуковски, режисер: Бојан Трифуновски, продукција: Македонски народен театар;
• (Црнила 005, 2005), автор: Коле Чашуле, режисер: Слободан Унковски, продукција: Македонски народен театар;
• Јан/Иларион Сказник/Лествичник (Папокот на светот, 2004), автор: Венко Андоновски, режисер: Златко Славенски, продукција: Македонски народен театар;
• (Сината соба, 2002), автор: Дејвид Хер, режисер: Наташа Поплавска, продукција: Македонски народен театар;
• Пер Гинт (Пер Гинт, 2001), автор: Хенрик Ибзен, режисер: Златко Славенски, продукција: Македонски народен театар;
• Петар Стефановски (Будење на пролетта 2000, 2000), автор: Франк Ведекинд, режисер: Златко Славенски, продукција: Македонски народен театар;
• (Тест, 1999), либрето и режисер: Наташа Поплавска, продукција: Македонски народен театар;
• Меркуцио (Ромео и Јулија, 1998), автор: Вилијам Шекспир, режисер: Наташа Поплавска, продукција: Народен театар „Антон Панов“ – Струмица;
• Кловнот (Маме му ебам кој прв почна, 1997), автор: Дејан Дуковски, режисер: Александар Поповски, продукција: Македонски народен театар;
• Едмонд (Едмонд, 1997), автор: Дејвид Мемет, режисер: Синиша Евтимов, Наташа Поплавска, продукција: Македонски народен театар;
• Митре Помојранче (Лепа Ангелина, 1995), автор: Благоја Ристески, режисер: Владимир Милчин, продукција: Македонски народен театар;
• Спасе (МКС, 1995), автор: Војдан Чернодрински, адаптација и режија: Сашо Миленковски, продукција: Македонски народен театар;
• Пушкин (Мртви души, 1994), автор: Николај  Василевич Гогољ, режисер: Владимир Милчин, продукција: Македонски народен театар;
• Стево (Бунт во домот на старци, 1994), автор: Венко Андоновски, режисер: Брнко Ставрев, продукција: Македонски народен театар;
• Ѓорѓи и Џими (Буре барут, 1994), автор: Дејан Дуковски, режисер: Сашо Миленковски, продукција: Македонски народен театар;
• Славејко (Јануари, 1994), автор: Јордан Радичков, режисер: Иван Добчев, продукција: Македонски народен театар;
• Пјеро (Дон Жуан, 1994), автор: Жан Батист Молиер, режисер: Ненад Стојановски, продукција: Драмски театар – Скопје;
• Крали Марко (Женски прилог за ноќта, 1993), автор: Блаже Миневски, режисер: Владимир Милчин, продукција: Македонски народен театар;
• Енеј и Диомед (Троил и Кресида, 1993), автор: Вилијам Шекспир, режисер: Златко Славески, продукција: Македонски народен театар;
• Овчар, Петар (Евангелие по Јуда, 1993), автор: Југослав Петровски, режисер: Горан Тренчовски, продукција: Народен театар „Антон Панов“ – Струмица;
• Американец (Крик, 1991), автор: Блаже Миневски, режисер: Владимир Милчин, продукција: Македонски народен театар.

Филмографија:

• Шинага (I love you, I swear, игран филм, 2023), режисер: Марјан Гавриловски;
• (М, игран филм, 2020), режисер: Вардан Тозија;
• Христо (Стела, игран филм, 2020), режисер: Стојан Вујисиќ;
• Драган Мишовиќ (Пијавици, игран филм, 2019), режисер: Драган Маринковиќ;
• (Исклучиво жолти лалиња, кратометражен филм, 2016), режисер: Кузман Кузмановски;
• Таткото (Брат на еден ден, кратометражен филм, 2016), режисер: Стојан Вуиќиќ;
• Роки (Лазар, 2015), режисер: Светозар Ристевски;
• Ванчо (Ќе бидеме светски прваци, 2015), режисер: Дарко Бајиќ;
• Музафер (До балчак, 2014), режисер: Столе Попов;
• Доки (Споменик на Мајкл Џексон, 2014), режисер: Дарко Лунгулов;
• Панчо (Трето полувреме, 2012), режисер: Дарко Митревски;
• Азем (Парада, 2011), режисер: Срѓан Драгојевиќ;
• Љак (Панкот не е мртов, 2011), режисер: Владимир Блажевски;
• Игор (Бунило, ТВ филм, 2009), режисер: Даријан Пејовски;
• (Боли ли?, 2007), режисер: Анета Лесниковска;
• Ико – Смок (Стрмоглави, ТВ филм, 2006);
• (Самитот на шаманите, 2006), режисер: Александар Станкоски;
• Џанго Сапун (Бал-кан-кан, 2005), режисер: Дарко Митревски;
• Теодор (Како убив светец, 2004), режисер: Теона Стругар Митевска;
• (Едно од лицата на смртта, кратометражен филм, 2003), режисер: Филип Чемерски;
• (Трета зона, краткометражен филм, 2003), режисер: Александар Русјаков;
• Мурат (Одмазда, 2001), режисер: Јан Хинтјенс;
• Човекот со зелена коса (Збогум на 20-от век, 1998), режисери: Дарко Митревски, Александар Поповски;
• Џорџ, Дечкото на Ана (Кабаре Балкан, 1998), режисер: Горан Паскаљевиќ;
• Фазил (Џипси меџик, 1997), режисер: Столе Попов;
• Црни (Самоуништување, 1996), режисер: Ертил Алтанај;
• (Ангели на отпад, 1995), режисер: Димитри Османли.

Михајловски е добитик на бројни награди:

• Добитник на почесната  награда на 6. издание на „Златна рамка“ – Денови на македонскиот филм, во организација на Друштвото на филмските работници на Македонија (ДФРМ), 2024 г.;
• Награда за животно дело „Петре Прличко“ за 2024 г.;
• Наградата „13 Ноември“ на град Скопје за 2022 г.;
  
• Награда за најдобро актерско остварување на МТФ „Војдан Чернодрински“, Прилеп за улогата на Ефрем Поплавски во претставата „Вечната куќа“ 2013 г.;
• Награда за најдобар актер на фестивалот „Јоаким Интер Фест“во Крагуевац, Србија, 2010 г.;
• Награда „Златна маска“ на фестивалот „Охридско лето“, за улогата на Пер Гинт во претставата „Пер Гинт“, 2001 г.;
• Награда за најдобро актерско остварување на МТФ „Војдан Чернодрински“, Прилеп за улогата на Петар Стефановски во претставата „Будење на пролетта 2000“, 2000 г.;
• Награда за актер за 1997 г. на „Златна Бубамара на популарноста“;
• Награда за најдобро актерско остварување на МТФ „Војдан Чернодрински“, Прилеп,  2007 г.;
• Награда „Трајко Чоревски“ за најдобар млад актер на МТФ„Војдан Чернодрински“ Прилеп, 1993 г. и 1994 г.

Oд 2023 година (заедно со Александар Михајловски, актер и негов син) ја дели и пренесува и на помладата, следна генерација на млади кои имаат интерес и желба за актерство преку „Актерско студио Михајловски“.

Среќен роденден Тони, ти посакува редакцијата на Екран.