ekran платформа за слободоумни
Во рубриката „Споменар“ нашите познати личности одговараат на 20 кратки и интересни прашања по теркот на споменарите што беа актуелни кај тинејџерите во 80те и 90те години пред интернетот да стане главна занимација. Се надеваме дека за миг ќе ви ги „разбудиме“ најубавите спомени …
Денес прочитајте го споменарот на Антони Анев, вокалот и лидер на рок групата „Преку Ред“
– Во колку часот се будиш?
- Во 7 саат, со прекрасните звуци на косилки за трева и луѓе без осет.
– Кој ти е прекар?
- Немам прекар.
– Што си во хороскоп?
- Лав.
– Кој ти е омилен пијалак?
- Нешто богато со витамини и минерали. Никогаш немам пробано алкохол.
– Која ти е омилена боја?
- Плава, црна, шатирана, прамени… било која, битно убаво да и’ стои
– Кое ти е омилено јадење?
- Откако почнав да живеам сам, сакал-нејќел, јајца.
– Која ти е омилена книга?
- ,,Будење’’ од Антони Де Мело и ,,Алхемичарот’’ од Пауло Коелјо.
– Кој ти е омилен филм/серија?
- Не гледам многу филмови во последно време. Како помал ми беа омилени Life of Brian и Amadeus, а од поновите Babylon, многу долго трае според мој вкус, ама има што да каже.
– Кој ти е омилен спорт?
- Можам било кого да победам во тенис, кој сака, слободно.
– Што знаеш најубаво да зготвиш?
- Работев како шанкер и правам коктели и кафиња, ако се важи тоа. Ако не, ништо.
– Кое е твоето омилено годишно време?
- Лето.
– Со кого сакаш да снимиш дует?
- Со Војко В.
– Која е твоја најдобра и најлоша особина?
- – После темелна интроспекција, мислам дека сите особини што ги имам се најдобри. Ако прашате било кој од луѓето што ми се блиски, сигурно ќе кажат дека сум мрзлив, ама тоа е нивна погрешна перцепција… кој да се докажува.
– Која е твоја омилена македонска песна?
- My Tear – Човек Од Стакло.
– Омилен пејач/ка, група (македонски)?
- Морал, Суперхикс и 21 Век омилени групи и Владо Јаневски омилен пејач и автор.
– Како се викаше првата ваша девојка/дечко?
- Имав 9 години и се викаше ,,Не ја знаеш од кај баба ми е’’.
– Со кого го пиеш утринското кафе?
- Не пијам кафе, а денот сакам да го почнам со некој што не збори многу, на пример Никола или Христијан. Среќа што Рас се буди во 2 и имам време да се спремам психички, затоа што кога ќе стане има многу енергија и одма сака нешто да ми каже или некаде да одиме.
– Кој е твојот омилен музички македонски албум?
- Леб И Сол – Као Какао.
– Кој е твојот омилен глумец/ца од Македонија?
- Никола Ристановски и Сашко Коцев. И од новата генерација Гоце Андонов и Антонио Ташковски, кои мислам дека за кратко време ќе бидат омилени актери на многу луѓе.
