СИБИРСКИ ЛИМОН во саксија: Содржи СЕДУМ ПАТ повисока доза на витамин Ц од обичниот лимон!

Ова растение потекнува од централна Кина и Кореја, а со векови се одгледува во Јапонија.
Сибирски лимон, латинско име Poncirus trifoliata, од семејството Цитрус. Името сибирски лимон не е дадено по потекло, туку поради фактот што е многу отпорен на ниски температури до -30 C. Затоа, неговото одгледување е можно во Македонија. Некои го нарекуваат и портокал со три лисја, кинески или јапонски портокал, итн.

Дали е за јадење?
Билката има малку опор и кисел вкус. Содржи седум пати поголема доза на витамин Ц од обичниот лимон.
Неговиот лековит сок го неутрализира дејството на слободните радикали и го прави телото поотпорно.

Лековити својства
Витаминот Ц го прави сибирскиот лимон многу добар антиоксиданс. Го подига имунитетот кај децата и возрасните и е силен борец кога станува збор за сезонски настинки и вируси.Плодот од сибирски лимон содржи флаваноиди, монотерпени (антиалергично дејство), кумарини и многу повеќе. Содржи редок витамин П кој всушност е тип на биофлавоноид. Има позитивен ефект врз зајакнувањето на вените и капиларите.
Неговото украсно дрво ни дава лековити плодови наесен, од кои се прават вкусни мармалади, ликери и освежителни сокови. Тоа е одличен лек за подигнување на имунитетот, и пожелно е да го додадете во чај во случај на настинка или грип.

Садење
Одгледувањето на овој вид растение не бара многу труд, но бара да бидете трпеливи, особено ако започнете со семе.
Семето од лимон мора да се ослободи од месестата лушпа. Потоа треба да го чуваме во плиток сад и да го сушиме околу 4 недели во умерено топла просторија.
Кога ќе го ставиме семето во земја (комбинација на тресет и песок), го покриваме со слој почва со дебелина до 1 см. Мора да се грижиме почвата да не се исуши.
Покријте го садот со стаклена чинија за да ја одржите оптималната температура.
По една недела, ќе никне мало растение и ќе ја помести заштитата малку настрана, а по две недели, целосно отстранете го стаклото. Со шест недели, растенијата се подготвени секој да добие своја саксија

Одржување
Иако е совршено во ред да го чувате како украсно растение, ако сакате да уживате во неговите исклучително здрави плодови, потребно е да го калемете. Исто така, треба да го исечете во пролет.
Тој сака редовно и умерено наводнување и ѓубриво за цитруси. Ако ја помине зимата во затворени простории, извадете го на воздух штом времето дозволи.
Тој сака туширање, затоа третирајте го секогаш кога можете.