ekran платформа за слободоумни
Во неодамнешното интервју за „The Drew Barrymore Show”“, актерката Хилари Свонк зборувала за проблемите со кои се соочила на почетокот на нејзината кариера.
Откако во дамнешната 2000 година, освои Оскар за улогата во филмот „Boys Don’t Cry“, Хилари морала да оди на лекар поради здравствени проблеми. Во споменатото интервју таа објаснила дека не заработила доволно пари за да си обезбеди здравствено осигурување, па платила 260 долари за обични антибиотици.
„Имав обична настинка и кога отидов на лекар за редовни антибиотици, тие само ми рекоа: „Да, тоа е 260 долари“, вели таа.
„Тогаш им одговорив: ‘Чекајте, имам осигурување, можете да проверите’“, објаснила актерката и додала дека веднаш морала да се јави во осигурителната компанија.
„Се сеќавам дека осигурителната компанија ми кажа дека морам да заработувам минимум 5.000 долари годишно за да имам право на осигурување.
„Замислете, таа година добив Оскар, а немав пари за здравствено осигурување“.
