Сеќавање: На денешен ден почина нашата истакната актерка Нада Гешоска

Нада Гешоска е родена на 24 мај 1930 година во Прилеп. Таа беше македонска драмска и филмска глумица.

Кариерата ја започнала во Народниот театар во Прилеп во 1951 година. Била член на Драмата на МНТ во период од 1958 до 1964 година, а потоа се приклучува на Драмскиот театар во Скопје (1964-1984). Реализира повеќе значајни улоги во дела од домашни и странски автори.

Позната е по нејзините улоги како Магда во „Пат во злостор“, Елена Андреевна во „Вујко Вања“, Маша во „Галеб“, Мајката во „Крвава свадба“, Хекуба во „Тројанки“, Меланија во „Егор Буличов“ и други.

Добитничка е на многу награди и признанија, меѓу кои ги издвојуваме:

-Награда “13-ти ноември” (1967)
-Награда за актерско остварување за улогата на “Султана” во претставата “Лет во место” на театарските игри “Војдан Чернодрински” во Прилеп (1982)
-Награда 11-ти октомври (1982)
-Награда “Златна колајна” на фестивалот за монодрама и пантомима – Земун за монодраматаа “Учителката” (1985)
-Награда за животно дело “Војдан Чернодрински” (1996).

Почина на 6 јануари 2003 година во Скопје.