ekran платформа за слободоумни
Полицијата во Санта Фе бара оние кои имаат можни корисни информации да ги контактираат. Тие не ја исклучиле можноста за намерно и планско режирање на смртта на снимателката и режисерот, кој е повреден, но се опоравува.
Случајот со убиството и ранувањето на снимањето на филмот „Rust“ се уште е мистерија. Алек Болдвин (63) ги застрелал снимателката и режисерот со филмски пиштол, што на крајот довело до нејзината смрт.
Инспекторите не ја исклучиле можноста несреќата да не била случајна, пишува New York Post.
Имено, се уште никој не е уапсен или обвинет, сепак се зема предвид дека е можно некој сето тоа внимателно да го испланирал.
– Многу работи кружат на интернет, па ако луѓето имаат и информации, дефинитивно треба да не контактираат – изјавил Хуан Риос, одговорниот за односи со јавноста во полицијата во Санта Фе.
„Ќе ги провериме сите вредни информации“, додал тој.
Иан А. Хадсон, актерот во филмот „Rust“ рекол дека снимањето било „опасно по живот“. Тој бил преплашен за време на снимањето на сцена во која други го убиваат неговиот лик одметник користејќи 20. пиштоли и две пушки – се по ред вистинско оружје.
– Сите во снимателската екипа беа заштитени со штитови, како и камерата. Само објективот на камерата се пробиваше низ заштитата – изјавил Хадсон, напоменувајќи дека се гледало само леќата како ја пробива заштитата.
Фото: Принтскрин/монтажа/Instagram
