ekran платформа за слободоумни
Традиционалните рецепти на малку поинаков начин се секогаш омилени во нашите домови. Затоа едвај чекаме да ја наполниме кујната со прекрасни мириси и вкусови на фина домашна пите со урда и блитва. Малку поинаква верзија на пита со сирење ќе бара од вас да го замесите тестото, а потоа да ги вклопите сирењето и блитвата во средина, па се заедно да ставите во рерна. Додека питата се пече подготвите сос од грчки јогурт и вашите омилени зачински билки, а потоа да ја послужите питата со таков кремаст и ароматичен додаток или само чаша млеко. Пред да ја ставите питата во загреана рерна, премачкајте ја со растопен путер и жолчка од јајце за да има најкрцкава кора по печењето.
За да го подготвите тестото ќе ви требаат:
550 гр брашно
вода
2 лажици масло
1 лажица сув квасец
За филот ви треба:
800 гр блитва
500 гр свежо сирење, урда
4 јајца
сол
1 лажица маслиново масло
4 лажици кисела павлака
Подготовка: Измешајте ги сите состојки за тестото и добро изработете го со раце. После тоа, смесата виткајте ја во топка, префрлете во соодветен сад и покријте со проѕирна фолија, оставете на страна. Блитвата исчистете ја и измијте ја, исечете ја на ленти и ставете на кујнска хартија да се впие вишокот течност. Во тенџере загрејте го маслиновото масло и додадете ја блитвата. Се убаво зачинете со сол и измешајте и ставете на умерен оган. Пржете додека блитвата не овене, па исцедете ја и измешајте со урдата, јајцата и павлаката. Поделете го тестото на половина и двете половини расукајте ги на еднакви делови. Еден дел од тестото ставете го на дното на калапот што прво ќе го намачкате со путер. Врз основата на тестото ставете го филот од сирење, павлака, јајца и блитва. Покријте со другото тесто. Направете дупки на површината. Намачкајте со растопен путер и жолчка. Печете на 200 степени околу 45. минути или додека не порумени.
