ekran платформа за слободоумни
Лекарите препорачуваат да се испие напиток од каранфилче пред спиење, бидејќи благотворно делува на црниот дроб и ги ублажува надуеноста и кашлицата.
Д-р Ерик Берг ги опишал придобивките од секојдневното консумирање на пијалок од каранфилче. Тој изјавил дека овој напиток добро делува на црниот дроб, како и дека го стимулира варењето, ги ублажува надуеноста и ги ублажува респираторните проблеми како кашлицата.
– Напитокот од каранфилче стимулира некои од ензимите кои помагаат во разградувањето на материите во црниот дроб и го помага варењето, па ако имате надуеност, варење, гасови, испијте го овој напиток – вели д-р Берг.
Д-р Берг препорачува напитокот од каранфилче да се пие после оброк, но и 30 минути пред спиење.
– Пијалакот делува навистина добро бидејќи помага да се опуштите и може да ви помогне да заспиете – рекол Берг, пренесува Mirror.
Еве како да го направите овој пијалок:
Земете четири или пет каранфилчиња, ставете ги во чаша вода и сварете ги. Откако ќе зоврие, тргнете го садот од шпоретот, поклопете и оставете да отстои пет минути.
Потоа оставете го еден час да се излади. По желба додадете половина лажичка мед за да ја засладите течноста.
Покрај овој пијалок, можете да направите чај и од каранфилче, ѓумбир, цимет и лимон, што помага во забрзување на метаболизмот и го поттикнува слабеењето.
Фото: Архива
