ekran платформа за слободоумни
Солената верзија на мафините секогаш не воодушевува. Овој рецепт е совршен за секој кој ужива во комбинацијата на сочно тесто и изненадувачки крцкави парчиња виршла.
Послужени со сос по ваш избор, овие мафини сигурно ќе бидат хит на секоја трпеза. Брзо се подготвуваат, а задоволството во секој залак е загарантирано.
Потребно е:
60 гр брашно
90 гр пченкарно брашно
1 лажица шеќер
1⁄2 лажичка прашок за пециво
1⁄4 лажичка сол
120 мл јогурт
1 јајце
50 мл масло
50 гр рендана гауда
6 парчиња виршли
Подготовка:
Загрејте ја рерната на 180°C. Калапите за мафини намачкајте ги со малку масло.
Во поголем сад измешајте ги сите суви состојки: брашно, пченкарно брашно, шеќер, прашок за пециво и сол. Во средината на сувата смеса додадете јогурт, масло и јајце.
Со процесор за храна, или миксер, добро измешајте ги сите состојки додека не се соединат. На крај додадете ја ренданата гауда и повторно нежно измешајте сè.
Распоредете ја смесата рамномерно во подготвените калапи за мафини, внимавајќи да не се преполнат калапите,туку до 2/3 од висината. Во секој мафин ставете по една виршла (малечка) или парче во висина на калапот за да стои исправено, во средината на смесата.
Ставете ги калапите во загреаната рерна и печете ги 15-18 минути или додека мафините не станат златно кафеави и цврсти на допир.
Послужете ги топли, веднаш по печењето, со вашиот омилен сос.
Уживајте во совршени мафини со виршли – идеална комбинација на солено и сочно, што ќе го воодушеви вашето семејство и гостите.
Фото: Архива
