Reflections е новата љубовна приказна на Yon Idy

24.6.2024, Скопје – По успехот на Walk Away, младиот кантавтор Yon Idy го објави најновиот сингл, Reflections, песна за измешаните емоции кога љубовната врска е прекината. Yon ја напишал како писмо до својата сакана и вели дека овој сингл му е омилен до сега.

„Понекогаш сфаќаме дека врската не треба да продолжи, иако емоциите се сè уште присутни. Изборот е тежок, а уште потешка е одговорноста што ја имаме кон другата личност и одлуката на кој начин си заминуваме. Се кршиме одвнатре кога сфаќаме дека мора да се случи крајот. Колку подолго трае, толку е помачно. Reflections ја напишав како писмо за тоа како се чувстував тогаш и морав да ги споделам мислите и чувствата со другата личност, но и да ги признаам пред себе”, вели Yon.


Како комплетен автор на своите песни, Yon секогаш пишува од срце и се надева дека неговата публика се препознава во неговите стихови. „Олеснува кога ќе ги слушнеш своите мисли и кога ќе ги преточиш емоциите во музика. Така знам дека ќе допрат до другите, па можеби и ќе охрабрат некого да излезе од својата комфор зона”, вели Yon.


Обожователите на Yon може да очекуваат албум до крајот на летово и тоа ќе биде заокружување на една етапа од неговата кариера како кантавтор. Странските радија ги емитуваат неговите песни, а многумина велат дека потсеќа на странски музичар со впечатлив вокал. Овие карактеристики се причина за соработка и со странски продуцентски студиа за што допрва ќе слушнеме.

Синглот „Reflections” e достапен на сите музички платформи.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Сеќавање: На денешен ден во 2010 година почина истакнатиот македонски карикатурист Делчо Михајлов

Делчо Михајлов е роден на 27 ноември 1947 година во Скопје. Тој беше македонски карикатурист, …