ekran платформа за слободоумни
За прв пат ги спојуваме во една нашите најпосетени работилници „Дигитална самоодбрана“ и „Сликаме иднина ослободена од дигитално родово базирано насилство“, овој пат во Битола.
Придружете ни се на работилницата „Дигитално зајакнување преку споделување знаење“ на 12 февруари во Europe House во Битола од 12 до 16 часот.
Заедно со проф. д-р. Ангелина Станојоска и со графичките дизајнери М-р Теано Кардула и М-р Иван Дургутовски ќе се фокусираме на препознавање и одговарање за сајбер заканите и основните стратегии за безбедност во интернет просторот, но и на креативниот начин на користење на уметноста против дигиталното родово базирано насилство.
Оваа работилница е во склоп на иницијативата „Кога дигиталното родово базирано насилство излегува од екранот“. Проектот е финансиран од страна на швајцарската амбасада во Скопје, а целта е подигнување на свеста за дигиталното родово базирано насилство.
