Проекција на краткиот документарен филм „Брод тргнат кон немерливото“ по повод десетгодишнината од прераната смрт на Игор Исаковски

Игор Исаковски беше еден од најсестраните македонски писатели, со шеснаесет издадени книги, неуморен преведувач и основач на издавачката куќа Блесок. Истоименото електронско списание „Блесок“ е едно од најстарите електронски списанија за култура во Европа, преку кое, пионерски и визионерски, Игор ја ширеше македонската култура низ светот, а светската култура ја носеше во Македонија.

По повод десетгодишнината од неговата прерана смрт, денес во 18:00 часот, во Кинотеката на Македонија ќе се прикаже краткиот документарен филм „Брод тргнат кон немерливото“.

Влезот е бесплатен.