ekran платформа за слободоумни
За сите љубители на киното и филмот, Кинотека на Македонија, вечерва ви подготвува интересно кино доживување. Со почеток во 20:00 часот, ќе имате можност премиерно да ја погледнете колекцијата кратки филмови изработени од младите таленти, учесници на работилницата „Филмска училница ФИЛМЕЈ“.
Филмовите кои ќе ги видите:
• „Агент Блу“ на Јана Денковска
• „Последниот колач“ на Костадин Тасевски
• „Фејктопија“ на Максим Котески и Алек Дуковски
Нашите млади истражувачи на филмската уметност (деца на возраст од 11 до 14 години) под менторство на режисерот Саша Станишиќ, како и филмските автори Светислав Подлешанов и Кирил Каракаш создадоа магични кратки филмови, а сега е време да ги прикажат пред семејствата и пријателите!
По проекцијата, ќе следи и кратка дискусија за филмовите!
Проектот FILMAY е реализиран во соработка со Кинотека на С Македонијa и Goethe-Institut Skopje, како дел од меѓународниот проект FilmED, поддржан од програмата Creative Europe Culture на Европската Унија.
Не пропуштајте ја можноста да ги поддржите младите таленти и нивниот креативен израз!
Се гледаме во Кинотеката!
