ekran платформа за слободоумни
Во Операта во Токио на 4 ноември 2024 година, премиерно беше изведена композицијата „Сношти минав“ за тенор, гудачки оркестар и пијано од Дарија Андовска. Композицијата е напишана за нашиот светски реномиран тенор, Благој Нацоски, кој ја изведе заедно со „Tokyo Vranec Chamber Orchestra“, под диригентската палка на Казухиро Котецу, на концертот по повод 30 години дипломатски односи меѓу Македонија и Јапонија.
Исто така завчеравечер во Скопје, пак, беше светската премиера на композицијата „Со маки сум се родила“ за сопран, флејта и пијано од Дарија Андовска. Композицијата е напишана за ансамблот „Altus New Breath“, а беше изведена од Гонца Богоромова-Краповски – сопран, Елена Стојческа – флејта и Маријана Николоска – пијано.
Дарија Андовска е една од најплодните, најреномирани и најизведувани македонски композиторки на светските подиуми. Таа е редовен професор на Факултетот за музичка уметност – Скопје при УКИМ, каде што моментално ја извршува функцијата декан.
