ekran платформа за слободоумни
Љубовните врски не се секогаш едноставни. Иако не постои тајно решение за успешна врска, постојат некои врски кои никогаш не функционираат и поверојатно е дека ќе завршат порано од очекуваното.
Имено, 13-годишното истражување на Универзитетот Колорадо Болдер наведува дека разликата во годините е најголемиот показател дали врската е осудена на неуспех.
Иако постојат неколку причини зошто врската нема иднина, сепак големата разлика во годините е најчеста причина.
Истражувањето, кое опфатило неколку илјади домаќинства, покажало дека паровите со помала разлика во години се генерално покомпатибилни. Тоа имплицира дека знаат што сака нивниот партнер од животот како што се децата, навиките за трошење, надминување на економската криза и слично.
Не е изненадувачки што од анкетираните, мажите кои имале помлади сопруги биле најсреќни, додека мажите кои биле во брак со постари жени биле најмалку задоволни.
„Ако има премногу јаз во возраста, ризикувате и двајцата да сакаат различни работи во животот. Едниот партнер можеби сака да патува додека другиот веќе го направил тоа. Нивото на зрелост може драматично да се разликуваат, а расправиите за љубомора и пари може да бидат вообичаени “, вели експертот за врски Џејмс Прес.
Паровите во врска треба да сакаат иста заедничка иднина за да можат да работат. Друга студија спроведена од Државниот универзитет во Јута покажаладека луѓето со две заеднички вредности се позадоволни од нивниот брак отколку оние без заеднички вредности.
Истражувачите биле прилично изненадени кога откриле дека жените во брак со постари мажи се најнесреќни, додека оние кои се во брак со помлади мажи биле позадоволни. Се чини дека се претпочитаат помлади партнери за двата пола.
„Ако ги погледнете браковите со текот на времето, луѓето кои се во брак со многу постар или помлад сопружник имаат тенденција да имаат поголем пад на задоволството во бракот во споредба со сопружниците кои се слични по возраст“, објасниле во подкаст на Универзитетот Боулдер.
Фото: Архива
