ekran платформа за слободоумни
Македонската поетеса Марина Мијаковска е објавена со избор поезија во превод на албански јазик во првата меѓународна антологија „Takohemi në Јug“ („Се сретнуваме на Југ“) објавена во Тирана. Мијаковска е застапена со песните: “Oqeani i grave” („Женски океан“), “Letër femre” („Женско писмо“), “Në kërkim të rrenës së humbur” („Во потрага по изгубената лага“) и “Shtëpi-botë e tërë” („Куќа-цел свет“). Преводот на поезијата од Мијаковска го направи Асдрен Челику, а уредник на изданието е Дашамир Мало.
Антологијата е објавена по повод истоимениот прв меѓународен поетски фестивал „Takohemi në Јug“ што се одржа во Ксамил (Саранда) од 13-15 октомври. Во книгата се застапени автори од повеќе земји: Албанија, Грција, Шпанија, Полска, Германија, Италија итн.
