Подготвува спектакл? Том Круз би можел да има голема улога во затворањето на ОЛИМПИСКИТЕ ИГРИ во Париз

Олимписките игри во Париз во 2024 година се во тек, но веќе се зборува за тоа како би можело да изгледа нивното затворање на 11 август.
Според TMZ, Том Круз би можел да има голема улога во затворањето на игрите и нивното поврзување со следните кои ќе се одржат во Лос Анџелес во 2028 година.
TMZ пишува дека ТВ преносот требало да го вклучи патувањето на Том со авионот со олимпиското знаме од Франција до Лос Анџелес, каде што ќе се спушти со падобран до познатиот холивудски знак во Лос Анџелес. Ова би го означило примопредавањето.
Се наведува и дека се е снимено уште во март. Сепак, претставниците на Том за медиумите се уште не се изјасниле за споменатите наводи.
Том учествуваше на церемонијата во 2004 година кога помогна да се носи факелот низ Лос Анџелес како дел од штафетата низ светот пред Летните олимписки игри во Атина, Грција.
Деновите на игрите актерот ги поминува во Париз, каде засега ги следел натпреварувањата во гимнастика и пливање.

Фото: Архива