ekran платформа за слободоумни
ВАЛ КИЛМЕР, холивудскиот актер кој се прослави како Џим Морисон и Бетмен и често играше многу значајни споредни улоги, починал во Лос Анџелес. Тој имаше 65 години, објавил New York Times.
Причината за смртта е пневмонија, изјавила неговата ќерка Мерцедес Килмер. Таа додала дека во 2014 година му бил дијагностициран рак на грлото, од кој подоцна се опоравил.
Вал Килмер пораснал во долината Сан Фернандо со двајца браќа. Неговиот помлад брат Весли починал трагично на 15-годишна возраст. Тој одел Chatsworth High School, каде што негови соученици биле Кевин Спејси и Маре Винингем. На 17-годишна возраст, тој станал најмладиот ученик некогаш примен во драмската програма во престижното училиште Juilliard во Њујорк.
Успон на филмската сцена
Професионалната кариера на Килмер започнала во театарот, а своето филмско деби го имал во 1984 година во пародијата Top Secret!, каде што ја играл рок ѕвездата Ник Риверс. Во текот на 1980-тите, тој станува се повеќе и повеќе познат благодарение на улогите во филмовите како што се Тop Gun (1986), во кои го толкуваше пилотот Ајсмен и во фантастичниот филм Willow (1988).
„Висок и привлечен во стилот на рок-ѕвезда, Килмер играше и рокери на почетокот на својата кариера и се чинеше дека му е предодредена кариера како блокбастер ѕвезда. Дебитираше во игран филм во 1984 година во пародијата на шпионските филмови од студената војна, Top Secret! каде глумел американски пејач кој сосвоите настапи јавоодушевува публиката, а несвесно се вплеткува во источна завера за повторно обединување на земјата“, го опишуваат во New York Times.
Својот вистински пробив го постигнал во 1991 година со улогата на Џим Морисон во биографскиот филм на Оливер Стоун, The Doors. Неговата изведба беше пофалена за исклучителната автентичност – тој самиот ги испеал сите песни во филмот.
Во текот на 1990-тите, Килмер постигна голем број значајни улоги, меѓу кои:
View this post on Instagram
Док Холидеј во вестернот Tombstone (1993)
Бетмен/Брус Вејн во Batman Forever (1995)
Крис Шихерлис во култниот криминалистички трилер Heat (1995).
Приватен живот и врски
Во 1988 година се оженил со со британската актерка Џоан Вајли. Двојката се развела во 1996 година. Тој бил поврзуван со голем број познати личности, вклучувајќи ги Шер, Синди Крафорд и Анџелина Џоли.
Во подоцнежните години, Килмер се соочил со сериозни здравствени проблеми. Во 2015 година бил хоспитализиран поради компликации предизвикани од рак на грлото, а третманот вклучувал трахеотомија, која трајно му го променила гласот и го отежнало зборувањето и дишењето.
View this post on Instagram
И покрај неговите здравствени предизвици, тој останал активен. Во 2022 година, тој се појави во филмот Top Gun: Maverick, каде што емотивно ја повторува својата улога на Iceman, користејќи компјутерски генериран глас.
Фото: Принтскрин/Instagram
