Почина познатиот актер Љуран Ахмети – ја изгуби битката со корона вирусот

Корона вирусот зема уште една жртва од уметничкото миље…

46.годишниот меѓународно реномиран актер, Љуран Ахмети ја изгуби борбата со корона вирусот. Љуран беше дел од многу театарски претстави, играни и кратки филмови, а последните години беше дел од најгледаните турски серии.
Од 1998 година, тој играше во европскиот филм „Куклена претстава“ како и едни од главните улоги во сериите “Kurtlar Vadisi – Pusu”, “Mutlu Ol Yeter”, “Guzel Gunler”, “Son Yaz Balkanlar”, “Bahar Dallari”, “Limonata” …
Ахмети со години беше составен дел на Народниот театар во Скопје.
Љуран Ахмети е син на познатиот писател и публицист Џабир Ахмети, а зад себе остави ќерка, сопруга, сестра и родители.