По долга борба со ракот почина Зоки Фаци

Познатиот естраден новинар и водител Зоран Василевски – Фаци, почина утрово.
Тој неколку години се бореше со туморот. Болеста му беше дијагностицирана во 2022 година, по што се оперираше, но за жал ракот се вратил.
Зоки неодамна беше и во Турција, каде што требаше да биде опериран, но лекарите таму му соопштиле дека ракот метастазирал на коските.
И’ покрај ова, бил ведар, не се предавал и до последен момент јавно зборуваше дека ќе го победи ракот и ќе се врати во новинарските води.
Но, за жал не успеа…

Веста за неговата смрт ја објави неговиот пријател и соработник Стефан Лазаров.

 

View this post on Instagram

 

A post shared by Stefan Lazarov (@_lazarovv)

„За жал ова утро во 6:40 почина Зоран Василевски. По долга борба со ракот тој не успеа. Македонија изгуби новинар, другар, човек кој знаеше да помага на сите.
Сочувство до фамилијата и блиските. Погребот ќе биде утре, а каде и кога ќе ве известам.
Те сакам пријателе, секогаш ќе се сеќавам на тебе и на твојата насмевка. Многу ќе ми фалиш“, напиша тој.

 

View this post on Instagram

 

A post shared by Zoran Faci Vasilevski (@zokifaci)

Зоки важеше за еден од најдобрите, но и најпровокативни естрадни новинари во Македонија.
Кариерата ја почна во дневниот весник „Вест“, а потоа работеша како водител на естрадниот магазин „Фаци“ во А1 телевизија, од каде што го доби и прекарот кој го следеше цела негова кариера.
Последниот професионален ангажман го имаше заедно со Стефан Лазаров, во нивниот заеднички поткаст.

 

View this post on Instagram

 

A post shared by 𝚋𝚊𝚌𝚔𝚜𝚝𝚊𝚐𝚎 ⭑ (@backstage_macedonia)

„Беше пред своето време на Балканот, новинар каков немаше на нашите простори. Секогаш позитивен, откачен со чиста и нерасипана душа.
Никогаш нема да заборавам дека прв ми даде шанса кога завршив факултет за новинарство и ме научи што значи естрада. Од првиот ден се однесуваше како да се знаеме цел живот. И покрај тоа што пројдоа толку години, секогаш кога ќе се видевме како времето да не застанало.
И покрај големата борба и целата поддршка, не издржа. Уште една ѕвезда замина на небото.
Почивај во мир Зоки 💔“, напиша Силвана Јовановска на Фејсбук,една од многуте кои се погодени од смртта на Зоки Фаци…

Фото: Принтскрин/Facebook