„Паркирај го автомобилот, многу блескаш“: Возач на златно порше исклучен од сообраќајот!

Кога луксузот премногу ќе блеска тука е полицијата „да пресече“!Така е барем кога станува збор за германската полиција која морала од сообраќај да исклучи едно златно порше бидејќи, како што велат, премногу блескал.
Кога полицијата во Хамбург, Германија, минатата недела го запрела 31. годишниот возач на порше „Панамера“ чија шасија била излепена со златна рефлектирачка фолија, му било кажано дека таквиот автомобил е ризичен бидејќи би можел „да заслепи“ други возачи.
Му било наредено да ја отстрани фолијата и да го пререгистрира автомобилот, но тој, како што велат од полицијата, сепак продоллжил така да го вози.
Очигледно не сфатил дека полицијата била сериозна па во средата бил повторно запрен за да му се одземат клучевите и дозволата а скапоцениот автомобил бил одвлечен во гаража.
Му била напишана казна а отстранувањето на фолијата секако го чека доколку сака да продолжи да го вози својот миленик. Како што јавуваат локалните медиуми, истото му било наредено и на возач на ламборџини кој бил запрен со автомобил кој бил преслечен со рефлектирачка фолија.

Подготви:Г.О.
Фото:АП