ekran платформа за слободоумни
Професорот Пол Долан презентирал истражување кое потврдува дека исповедите на немажените жени, кои никогаш не се оствариле како мајки, се всушност вистинити и треба внимателно да ги слушаме.
Дека слободните жени обично се посреќни од оние кои рекле „Да“ не е само фраза што ја слушаме се почесто. Сепак, кога многу жени искрено зборуваат за тоа колку се задоволни и исполнети без сопруг и деца, наидуваат на непријателство и потсмев, или едноставно не им се верува.
Идејата дека жените можат да живеат фантастичен живот без традиционални принципи е закана за структурите на моќ кои со векови се обидуваат да диктираат како живееме. Имено, нивната тактика е всадена длабоко во мозокот на нашата популација, која силно верува дека жената не е жена, ниту целосно развиено и целосно креирано суштество, доколку не се омажи и не роди.
Но, новото истражување сосема јасно покажува дека практиката е малку поинаква. Тие го потврдуваат истото што го зборуваат овие „уседелици“, а тоа е дека жените кои никогаш не се омажиле или родиле припаѓаат на најсреќната и најздравата подгрупа на населението.
View this post on Instagram
Професорот Пол Долан, професор по бихејвиорални науки на Факултетот за економија и политички науки во Лондон и еден од водечките светски експерти за среќа, истакнува дека можеби не треба да ги жалиме жените кои не ги избрале бракот и децата како единствен предуслов за среќа. Наместо тоа, тој вели дека треба да бидеме повеќе загрижени за културниот наратив кој ги учи жените да се задоволат со трошки и многу помалку отколку што заслужуваат.
Тој во една емисија рекол:
„Кога ќе видиме 40-годишна жена која не се омажила и не раѓала, додаваме коментари како: „можеби еден ден ќе го сретне вистинскиот“, но всушност таа може да го сретне погрешниот и сè ќе се промени, можеби ќе сретне некој што ја прави несреќна и лошо влијае на нејзиното здравје, па таа ќе умре побрзо“, вели Пол.
Тој го потврдил и истражувањето кое вели дека немажените жени се најсреќната подгрупа од населението, што публиката го поддржала со голем аплауз.
Фото: Принтскрин/Instagram
