ekran платформа за слободоумни
КСП Центар -Јадро отвори повик за пријавување на работилницата со наслов „Од бајките до сегашноста“.
Работилницата е дел од проектот „Roots and Revelations – Enchanted Journeys Through Macedonian Storytelling“ на авторката Марија Шормаз, кој беше избран на конкурсот Culture Moves Europe – Individual Mobility for Artists, Creative Europe. Проектот се занимава со поврзаноста помеѓу македонскиот фолклор и современите човечки искуства, со акцент на односот со природата.
Работилницата користи методологии од сликарството, книжевноста, психотерапијата и аналитичката психологија, овозможувајќи им на уметниците преку симболи на природата да го истражат односот помеѓу човекот и природата. Учесниците ќе анализираат како тие односи биле обликувани преку митови и народни приказни и како се манифестираат денес.
Инструктор: Тијана Вуковић, дипломирала компаративна книжевност на Филолошкиот факултет во Белград, доктор на хуманистички науки на Универзитетот во Варшава и интегративен терапевт (арт интегративен и наративен пристап).
Термини на работилницата:
• 12 декември 2024, 18ч-20ч
Во случај на поголем број заинтересирани, дополнителен термин:
• 16 декември 2024 во КСП Центар- Јадро (на денот на изложбата) 13-15ч
Пријави: Контактирајте ја Марија Шормаз до недела, 10 декември 2024 на: marijasormaz@yahoo.com
Изложба на делата изработени за време на работилницата: Понеделник, 16 декември, 2024, 20 ч, КСП Центар- Јадро.
Ги повикуваме уметниците да се пријават и да ја истражат поврзаноста помеѓу природата, митологијата и уметноста!
