Отворање на групната изложба „Професори и студенти“

Вечерва во галеријата на Младинскиот Културен Центар во Скопје, со почеток во 19:00 часот, ќе биде отворена групната изожба со наслов „Професори и студенти”.

На изложбата ќе бидат претставени дела од студентите, како и наставниот и соработнички кадар од повеќе државни и приватни факултети и академии од областа на визуелните уметности и дизајнот во Република Македонија.

Настанот има цел да стави акцент на широкиот спектар од наставни програми со кои располагаат приватните и државни универзитети во Македонија, да ја потенцира разликата меѓу нив, како и да ги актуелизира наставните потенцијали и квалитетот на нивните ученици со дела од областа која ја студирале. Изложбата, всушност ќе биде еден селектиран избор на веќе етаблирани, но и автори чијшто потенцијал допрва ќе се развива, уметници од различни генерации, сликари, графичари, фотографи, скулптори, илустратори но претставници од модниот дизајн и индустрија, кои посветено работат на полето на визуелните уметности години наназад.

Изложбата ќе биде отворена до 29 јуни.